Welkom by Hoërskool Ben Viljoen

Ons Dallers-dogterspan het uitstekend gevaar en die liga in ’n indrukwekkende algehele eerste plek afgesluit. Ons Ben Vissers-seunspan het ’n sterk vierde plek tydens die laaste ligabyeenkoms behaal, terwyl die Bennies die dag in die algehele sesde plek afgesluit het.

Ons hengelaars het ook individueel gewys waartoe hulle in staat is. In die afdeling vir die swaarste sak het Chene Swart die eerste plek behaal met ’n indrukwekkende 89,35 kg, terwyl Jenna Berry die derde plek behaal het met 70,95 kg. By die meeste visse-afdeling het Chene Swart weereens die voortou geneem met ’n uitstekende 49 visse, met Jenna Berry in die tweede plek met 45 visse.

Chene se besonderse prestasies gedurende die kompetisie is verder bekroon toe sy aangewys is as die Victrix Ludorum. Beide Jenna Berry en Marthinus Dreyer het ook uitstekend gevaar deur ’n derde plek in hulle onderskeie afdelings te behaal.

Na afloop van die drie ligabyeenkomste het beide die Ben Vissers en Dallers hulle plek bespreek om Limpopo te verteenwoordig by die Kampioen van Kampioene-toernooi wat in Oktober by die Bloemhofdam plaasvind.

Die finale puntestand van die seisoen beklemtoon die uitstaande prestasies van ons hengelaars:
Hoërskool Seunsspanne:
• Ben Vissers – 2de plek
• Bennies – 7de plek
Hoërskool Damespan:
• Dallers – 1ste plek

Top 10 individuele hengelaars
Hoërskool Seuns:
• Marthinus Dreyer – 3de plek
• Liam Hancke – 5de plek
Hoërskool Dames:
• Chene Swart – 1ste plek
• Jenna Berry – 2de plek

Ons is ongelooflik trots op elkeen van ons Daller-hengelaars vir hulle harde werk, toewyding en deursettingsvermoë gedurende die seisoen. Die uitstekende span- en individuele uitslae is ’n bewys van die passie binne ons hengelspanne.

Sterkte aan die Dallers en Ben Vissers wat Limpopo in Oktober by Bloemhof gaan verteenwoordig. Ons staan agter julle!