.png)
Hoërskool Ben Viljoen se skuts het op 29 en 30 Mei 2026 aan Prysskiet 5 deelgeneem, wat op ons tuisbodem aangebied is. Die kompetisie het weereens aan ons leerders die geleentheid gebied om hul konsentrasie, selfdissipline en skietvernuf te toets, en die Dallers het uitstekend gevaar.
In die o.14-afdeling het Zak Schambriel die beste telling van die groep aangeteken met 1066 uit 1600, gevolg deur Savanah Grimbreek met 1028 uit 1600 en Owen Snygans met 903 uit 1600.
Die o.16-afdeling het sterk kompetisie gelewer. Tiago Fernandes het die afdeling gelei met 'n indrukwekkende 1272 uit 1600, terwyl Lizemari Erasmus (1236 uit 1600) en Danelle van Wyk (1207 uit 1600) kort op sy hakke gevolg het. Reghard Grobler het 1097 uit 1600 behaal en Devin Steenkamp het sy kompetisie met 913 uit 1600 afgesluit.
In die o.21-afdeling het Ané Pretorius 'n uitstekende prestasie gelewer deur 1463 uit 1600 aan te teken. Caylin Sadie het 1351 uit 1600 behaal, terwyl Chrismari Erasmus met 1317 uit 1600 nog 'n sterk vertoning vir die Dallers gelewer het.
Baie geluk aan al ons skuts met hul prestasies. Julle harde werk, toewyding en fokus is duidelik sigbaar in hierdie uitslae. Ons is trots op elke Daller wat Hoërskool Ben Viljoen met trots verteenwoordig het.