Welkom by Hoërskool Ben Viljoen

Die geleentheid is spesiaal vir die twee koshuise en het die nuwe leiers die geleentheid gebied om hul leierskapreis amptelik af te skop. As verteenwoordigers van hul onderskeie koshuise rus daar ’n belangrike verantwoordelikheid op hierdie leerders om leiding te neem, ’n positiewe voorbeeld te stel en by te dra tot ’n sterk koshuisgemeenskap waarin samehorigheid, respek, dissipline en tradisie hoog geag word.

Ons spreek graag ons opregte dank uit teenoor almal wat betrokke was by die reëlings en sukses van hierdie besonderse aand. Julle ondersteuning, harde werk en waardevolle bydraes het gehelp om die geleentheid onvergeetlik te maak.

Huis Cherié Dogterskoshuis
Die volgende leerders sal gedurende 2027 leiding neem by Huis Cherié:
•Hoofdogter: Nicke Botha
•Onder-Hoofdogter: Bongamusa Mahlangu
•Magrietjie: Jaydéne Cloete
•Graad 11-verteenwoordiger: Fransien Myburg
•Graad 10-verteenwoordiger: Dehané van der Merwe
•Graad 9-verteenwoordigers: Estelle Myburg en Owami Ntuli

Boomhuis Seunskoshuis
Die volgende leerders is aangewys om gedurende 2027 die leiding by Boomhuis te neem:
•Hoofseun: SJ de Klerk
•Onder-Hoofseun: Botshi Moema
•Broumeester: Karel Minnie
•Graad 11-verteenwoordiger: Zander Coetser
•Graad 10-verteenwoordiger: Jack Beukes
•Graad 9-verteenwoordiger: Miguel Jacobs

Leierskap is veel meer as ’n titel - dit is ’n roeping tot diens, verantwoordelikheid en die bereidwilligheid om ’n verskil in ander se lewens te maak. Ons vertrou dat hierdie leiers hul ampte met integriteit, toewyding en trots sal beklee en dat hulle ’n betekenisvolle bydrae tot die koshuislewe sal lewer.

Baie geluk aan elke lid van die VKR van 2027! Mag julle dienstermyn gekenmerk word deur goeie samewerking, waardevolle groei en talle hoogtepunte. Mag julle voortbou op die trotse tradisies van Huis Cherié en Boomhuis en elke dag uitleef wat dit beteken om deel van die Dallerfamilie te wees.