.png)
Ons is ongelooflik trots om aan te kondig dat Oratile Moshoane, een van ons Graad 8-leerders, asook Francia Meiring, een van ons graad 12-leerders, hierdie komende vakansie die geleentheid kry om hul liefde vir hokkie op internasionale bodem uit te leef.
Beide Oratile en Francia vertrek na Nederland as deel van hul onderskeie hokkiespanne, waar hulle waardevolle ervaring sal opdoen en die geleentheid kry om teen internasionale spelers mee te ding.
’n Internasionale hokkietoer is ’n besonderse geleentheid wat nie net op die sportveld nuwe horisonne oopmaak nie, maar ook leerders blootstel aan nuwe spelers, speelstyle en ervarings. Dit is ’n prestasie waarop hulle met reg trots kan wees.
Ons wens Oratile en Francia alles van die beste toe met hulle toer! Mag julle elke oomblik geniet, nuwe herinneringe maak en met trots die Dallernaam op Nederlandse bodem verteenwoordig.