.png)
Die Graad 8 Verteenwoordigende Koshuisraad (VKR) is vanoggend tydens die saalperiode aangewys. Hierdie is ’n belangrike mylpaal vir die graad 8-leerders, aangesien dit vir hulle die geleentheid bied om van vroeg af reeds hulle leierskapsvaardighede ten toon te stel en ’n positiewe bydrae tot die koshuise te lewer.
Baie geluk aan Estelle Myburg wat verkies is tot die VKR van Huis Cherié Dogterskoshuis. Haar aanwysing is ’n bewys van haar entoesiasme, verantwoordelikheid en die vertroue wat haar mede-leerders en opvoeders in haar stel.
Ons wens ook vir Tetelo Dikotope geluk met sy verkiesing tot die VKR van Boomhuis Seunskoshuis. Hierdie prestasie getuig van sy leierskapsvermoë en sy bereidwilligheid om ’n verskil in die koshuisgemeenskap te maak.
Mag beide van julle hierdie nuwe rolle met trots, integriteit en toewyding vul, en ’n positiewe invloed op julle mede-koshuisinwoners hê. Ons sien uit na die waardevolle bydraes wat julle gaan lewer.