.png)
Vandag, 11 Februarie 2026, het Hoërskool Ben Viljoen behoorlik in Valentynsgees geblom toe leerders en personeel saam Valentynsdag by die skool gevier het. Die atmosfeer was feestelik, met rooi, pienk en wit wat oral op die terrein gesien kon word - van dekor tot uitrustings wat die dag van liefde perfek vasgevang het.
Leerders het die geleentheid geniet om hul waardering vir vriende, onderwysers en spesiale mense in hulle lewens te wys deur boodskappe, klein geskenkies en natuurlik hope glimlagte te deel. Pouse het ’n vrolike en saamhorige gees geskep en weer gewys hoe sterk die Daller-familie se band is.
Valentynsdag gaan nie net oor romantiese liefde nie, maar ook oor omgee, respek en die viering van vriendskap. Hierdie dag het weereens bewys dat ons skool ’n plek is waar positiewe verhoudings en gemeenskapsgees floreer.