English

Nuus

Kategorieë

Argief

Nuus

Dallers vier Valentynsdag | 2026

Vandag, 11 Februarie 2026, het Hoërskool Ben Viljoen behoorlik in Valentynsgees geblom toe leerders en personeel saam Valentynsdag by die skool gevier het. Die atmosfeer was feestelik, met rooi, pienk en wit wat oral op die terrein gesien kon word - van dekor tot uitrustings wat die dag van liefde perfek vasgevang het.

Eerste plek vir...

Dit is met groot trots dat ons aankondig dat Me Carla Snyman en Me Marianda van Jaarsveld, ons hoogs bekwame Rekenaartoepassingstegnologie (RTT)-onderwysers, ’n algehele eerste plek in die Sekhukhune-Suid Distrik behaal het, gebaseer op die Graad 12 Nasionale Senior Sertifikaat (NSS) 2025-uitslae.

Sutherland High School...

Op Vrydag, 6 Februarie 2026, het ons Daller-atlete hul staal gewys tydens die Sutherland Uitnodigingsbyeenkoms by Sutherland High School in Pretoria. Teen sterk kompetisie van die gasheerskool, Rietondale High School, Hoërskool Akasia, Hoërskool F.H. Odendaal en Cornwall Hill College het ons atlete gewys presies waarvan Dallers gemaak is.

Marice stel nuwe musiek saam met...

Ons is besonders trots op Marice de Jager, deel van die klas van 2024 en ook voorheen deelgevorm het van die musiekduo Tuimeltrein, wat steeds opslae in die Afrikaanse musiekbedryf maak. Marice, wat deesdae op sosiale media en musiekplatforms bekendstaan as Marice Middernag, het vandag saam met die kunstenaar Jacques Not Jack hul splinternuwe enkelsnit, As die Wêreld eindig, bekendgestel.

Noordheuwel Top 15 | 2026

Ons Top 15-atlete, volgens die ASA-tabel, het gister aan die gesogte Noordheuwel Top 15 Atletiekbyeenkoms deelgeneem waar 80 skole teenwoordig was. Ons atlete het hulself uitstekend van hul taak gekwyt en weereens gewys dat harde werk en toewyding vrugte afwerp.

Dit is met groot trots dat ons aankondig dat Me Carla Snyman en Me Marianda van Jaarsveld, ons hoogs bekwame Rekenaartoepassingstegnologie (RTT)-onderwysers, ’n algehele eerste plek in die Sekhukhune-Suid Distrik behaal het, gebaseer op die Graad 12 Nasionale Senior Sertifikaat (NSS) 2025-uitslae.

Hierdie prestasie weerspieël nie net hul buitengewone vakkennis en professionele toewyding nie, maar ook die akademiese standaard waarna ons skool voortdurend streef. Hul passie vir onderwys en fokus op kwaliteit leerervarings dra beduidend by tot die volgehoue sukses van ons leerders.

Daarbenewens is Me Marianda van Jaarsveld ook vereer met ’n plek onder die Top 5 in Limpopo vir Inligtingstegnologie (IT) - ’n besonderse erkenning van haar kundigheid, harde werk en toewyding aan uitnemendheid.