Welkom by Hoërskool Ben Viljoen | Ben Viljoen - Hoërskool Ben Viljoen Groblersdal Welkom by Hoërskool Ben Viljoen 'n parallel medium skool in die hartjie van die Loskop Vallei. Hier op ons pragtige natuurskoon terrein word ontmeetbare kreatiwiteit effektiewe kommunikasie ontelbare buitemuurse aktiwiteite en geesbou geleenthede aange

Nuus

Nicolene in wenspan

Baie geluk aan Nicolene Terblanche, en haar spanmaats wat Suid-Afrika by die Meestershokkie Wêreldbeker verteenwoordig het as deel van die Women35-span. Hulle het 'n eerste plek in die toernooi behaal nadat hulle Nederland gistermiddag in die eindronde met 4-1 geklop het.
Span Suid-Afrika het 'n ongelooflike toernooi beleef wat hulle onoorwonne afgesluit het. Tydens die groepfases, klop hulle Ierland met 2-0 in hulle eerste wedstryd, gevolg deur 'n 8-0 oorwinning teen Australië se IMC-span, en 'n 2-0 oorwinning teen Argentinië. In die kwartfinaal kom hulle te staan teen Duitsland, waar die Suid-Afrikaners die wedstyd met 3-0 wen. In die semi-finaal wen hulle 2-0 teen Australië, waarna hulle Nederland in die finaal troef.

Ephraim in wenspan

Baie geluk aan Ephraim Chiloane Jnr, en sy spanmaats wat Suid-Afrika by die Meestershokkie Wêreldbeker verteenwoordig het as deel van die Mens35 IMC B-span. Hulle het 'n eerste plek in die toernooi behaal nadat hulle Australië in die eindronde geklop het.
Span Suid-Afrika het 'n moeilike begin gehad, nadat hulle 4-4 gelykop teen Duitsland gespeel het in hul eerste wedstryd, en hul tweede en derde wedstryde teen Australië en Frankryk verloor het. Soos die aard van alle Suid-Afrikaners is, het hulle 'n terugkeer gemaak en met 9-1 teen Zimbabwe gewen in die kruispoelwedstryd om deur te dring na die eindronde.

Sterkte Matrieks!

Die finale eksamen vir die Nasionale Seniorsertifikaat (NSS) begin in alle erns as leerders vandag die eerste van hulle drie vraestelle in die vak Engels skryf.

Noordvaal Uitspele: Krieket

Ons eerste seunskrieketspan het Saterdag, 19 Oktober 2024, in die uitspeelrondte van die Noordvaalkompetisie teen Hoërskool Dinamika, in Alberton, te staan gekom.

Prysuitdeling 2024

Aan die einde van die akademiese jaar word daar aan die Graad 12-leerders erkenning gegee. Vanjaar se glansgeleentheid, oftewel prysuitdeling, het op Donderdag, 17 Oktober, plaasgevind. Die gr. 8- tot 11-leerders het vir hulle sport- en kultuuraktiwiteite toekennings ontvang, terwyl die gr. 12-leerders se akademiese prestasies ook aangekondig is. Vir die matrieks was hierdie die laaste prysuitdeling van hulle skoolloopbaan en sodoende ook ŉ emosionele een.

Baie geluk aan elke leerder wat erkenning gekry het by vanjaar se prysuitdeling. Die skool en die gemeenskap is opreg trots op julle.

Ander Nuus

Die res van ons nuus word op Facebook geplaas.

Klik hier om dit te lees!

Word ook deel van ons Youtube kanaal.

Op 21 Februarie 1947 is Hoërskool Ben Viljoen amptelik geopen. Ons vier dus in 2024 ons 77ste bestaansjaar!

ONS GROEI MET GEESDRIF

Welkom by Hoërskool Ben Viljoen, 'n parallelmediumskool in die hartjie van die Loskopvallei. Hier op ons pragtige natuurskoon terrein word ontmeetbare kreatiwiteit, effektiewe kommunikasie, ontelbare buitemuurse aktiwiteite en geesbou geleenthede aangebied om elke leerder sosiaal, geestelik en emosioneel te laat groei.

Deur die geskiedenis heen het die onderwys nog altyd twee vername doelwitte: Om leerders te help om wys op te tree en om hulle te help om goed te wees – en karakter is nodig vir beide. Om te beweer dat ons verantwoordelike burgerskap en ‘n burgerlike samelewing kan hê, sonder om eers goeie karakter te bou, is soos om te glo dat ons bome sonder wortels kan hê, of blomme sonder blomblare. Ons is baie trots op ons skool en sy ryk tradisie. By Ben Viljoen streef ons daarna om elke kind, in samewerking met die ouerhuis, akademies, fisies, geestelik en sielkundig voor te berei vir die lewe na skool. Ons is ook trots om te kan spog met ’n wye reeks van vakke, kultuur- en sport aktiwiteite en so ook verskeie dienste wat by die skool aangebied word om dit gemaklik te maak vir enige leerder om hom of haar by Ben Viljoen te vestig en gereed te maak vir die lewe na skool.

'N PLATTELANDSE SKOOL MET DIE DINAMIKA VAN 'N STADSKOOL

Skoolonderrig is nie net meer 'n gegewe nie. Dit is 'n belegging in u kind se toekoms en u as ouer het die keuse oor watter skool as 'produk' die beste aan jou kind se behoeftes sal voldoen. By ons vorm die leerders, die personeel en die ouers die unieke hartklop van die skool. Akademie vorm die hoeksteen van ons skool en jou belangstellings en behoeftes is vir ons belangrik.

DIE TOEKOMS IS GROEN EN GOUD

Hierdie webblad vertoon as ‘n spieël wat aan die buitewêreld toon hoe ons skool lyk. Dit vertoon die lewe binne en buite die klaskamer op die gebiede van sport, akademie, kultuur en ander vorme van die skoollewe. Geniet die reis saam met ons en ontmoet die leerlinge, onderwysers en gemeenskap betrokke by die bou van 'n juweel in Limpopo.

‘N WAARDEGEDREWE SKOOL

RESPEK – VERANTWOORDELIKHEID – OMGEE – INTEGRITEIT – LOJALITEIT

Ons glo dat die nastrewing van hierdie waardes ons onderwysers, leerlinge en ouers beter kan toerus om suksesvol te wees in ons gemeenskap asook in die samelewing oor die algemeen.

ONS WERK-ONS EER

Hierin lê opgesluit die grondbeginsels van die opvoedkunde wat as fondament dien vir Hoërskool Ben Viljoen. Deur dit van dag tot dag te beoefen, uit te leef en na te streef, voldoen die hoof, personeel en leerlinge aan die hoogste roeping van die lewe. Ons sien met vertroue uit na die toekoms en roep elkeen toe om getrou te bly aan ons leuse